अजून एक..

मराठी दिन आणि नवी वेबसाइट सुरू! ऐलपैल.कॉम
www.ailpail.com


संकेतस्थळाचे निवेदन..

-----
नमस्कार!

जागतिक मराठी भाषा दिन आणि कुसुमाग्रजांची जन्मशताब्दी असे दुहेरी औचित्य साधून मराठी जालरसिकांसाठी ऐलपैल डॉट कॉम हे संकेतस्थळ सुरू करण्यात आले आहे. जगभर विखुरलेल्या मराठीजनांच्या आरपार अभिव्यक्तीचं मनमोकळं व्यासपीठ म्हणजे ऐलपैल.

अनेकाविध विषयांवरील सकस आणि दर्जेदार लेखन ह्या संकेतस्थळाच्या उभारणीमागचा प्रमुख उद्देश. ज्या भाषेने आपल्याला समृद्ध बनवले आणि आनंदाचा ठेवा दिला त्या भाषेला आपणही काही देऊ शकतो ह्या भावनेतून ह्या स्थळाची कल्पना उदयास आली. काहीतरी चांगले लिहावे, वाचावे, सहभागी व्हावे आणि आपली हौस मनसोक्त पुरववावी असे वाटणार्‍या सर्वांसाठी ऐलपैल डॉट कॉमचे सदस्यत्व खुले आहे. कथा, कविता, अनुभव, स्फुटलेखन, प्रवासवर्णन, चर्चा, चालू घडामोडी, पाककृती, परीक्षणे, छायाचित्रे अश्या कुठल्याही प्रकारच्या लेखनाचे ऐलपैल डॉट कॉमवर स्वागत आहे. ह्या संकेतस्थळाविषयी तुमचा अभिप्राय, सूचना, अडचणी , प्रश्न ऐलपैल ह्या आयडीला अवश्य कळवा.

ऐलपैल डॉट कॉमवर आपल्या सगळ्यांचे मनापासून स्वागत आहे!